نەتەوە یەکگرتووەکان: نزمترین ئاستی قوربانی لە عێراق تۆمارکراوە

K24- هه‌ولێر:

نه‌ته‌وه‌ یه‌كگرتووه‌كان رایگەیاند، مانگی رابردوو نزمترین ئاستی قوربانی له‌ عێراق له‌ ماوه‌ی شه‌ش ساڵی رابردوودا تۆماركراوه‌.

به‌گوێره‌ی ئاماری نه‌ته‌وه‌یه‌كگرتووه‌كان بۆ قوربانییه‌كانی تشرینی یەکەم - ئۆكتۆبه‌ر له‌ عێراق، 69 عێراقی كوژراون كه‌ ئه‌مه‌ش به‌قسه‌ی نه‌ته‌وه‌یه‌كگرتووه‌كان نزمترین ئاستی كوژراویی مانگانه‌یه‌‌ له‌عێراقدا له‌ماوه‌ی شه‌ش ساڵی رابردوودا له‌لایه‌ن ئه‌و رێكخراوه‌‌ تۆماركرابێت.

هه‌روه‌ها نه‌ته‌وه‌یه‌كگرتووه‌كان بڵاویکردەوە: "بێجگه‌ له‌و 69 كه‌سه‌ی كوژراوه‌، 105ی دیكه‌ش له‌ئه‌نجامی هێرشی تیرۆرستی و شه‌ڕوپێكدادانی گروپه‌ چه‌كداره‌كان برینداربوون".

لایخۆیەوە، یان كوبیش، نوێنه‌ری سكرتێری گشتی نه‌ته‌وه‌یه‌كگرتووه‌كان له‌ عێراق لەبارەی ئەو ئامارانە بۆچوونی خۆی راگەیاند و گوتی: " ئه‌و ئاماره ئاشكرایده‌كات عێراق خه‌ریكه‌ ده‌ربازی ده‌بێت له‌و بازنه‌ خوێناوییه‌ی له‌دوای 2003وه‌ رووبه‌ڕووی بۆته‌وه"‌.

بڵاوکردنەوەی ئەم ئامارە لە کاتێکدایە، داعش هەوڵی گەڕانەوە بۆ عێراق لە رێگای سنووری سووریاوە دەدات و
چالاکییەکانی زیادکردووە.

‌H.J