كەمئەندامان كورسییەكانیان لەبەردەم پەرلەمان دەسوتێنن

K24 - ھەولێر

ئەمڕۆ ژمارەیەك كەمئەندام وەك ناڕەزایەتی بەرامبەر بە دواكەوتنی مووچەكانیان و سیستمی پاشەكەوتی مووچە لە بەردەم پەرلەمانی كوردستان گردبوونەوە و ژمارەیەكیش كورسییەكانیان سوتاند.

كەمئەندامێك لەبەردەم پەرلەمان بە كوردستان24 گوت: "ئەگەر قەیرانی دارایی ھەیە بۆچی ھەر پەرلەمانتارێك 49 ملیۆن دینار وەردەگرێت؟، ھەر ئەوانە بوون تا دوێنێ لە شەقامەكان لەگەڵ ئێمە دەگریان، لەگەڵ ئەوان گۆشتیان دەخوارد و لەگەڵ ئێمەش شینیان دەگێڕا، ئەمڕۆش بەبێ منەتانە 49 ملیۆن دینار وەردەگرێت و دەڵێ یاسا رێی پێداوم، ئەی كوا یاسا بۆ مووچەی كەمئەندامان".

گوتیشی: "داوا دەكەین مادام پارە ھەیە با پاشەكەوتی مووچەی كەمئەندامان ھەڵوەشێندرێتەوە و لەكاتی خۆیدا مووچەكەمان پێبدەن، كەمئەندامان 48 مانگە برسین لەم وڵاتە، نان نییە بیخۆن و عارەبانە و دارشەق نییە بەكاری بێنین، ھێزی ئەژنۆمان دەسوتێنین".

ھ.م