پێش سەری ساڵ پارەی گەنمی جوتیاران خەرج دەكرێت

K24 - ھەولێر

بڕیارە پێش سەری ساڵی نوێ پارەی گەنمی جوتیارانی ھەرێمی كوردستان خەرج بكرێت.

فارس حوسێن (مام فارس) سەرۆکی رێکخراوانی جوتیارانی سەردەم لە راگەیەندراوێكدا ئاشكرای كرد: "ئەمڕۆ 23/12/2018 بڕیار بوو ئەنجامی بڕیاری دادگای رەسافە وەربگرینەوە لە بارەی شایەستە داراییەکانی جوتیاران، بەڵام، بەهۆی سەرقاڵی دادگا لەبەر سەری ساڵ و زۆری دۆسییەکان، بۆ سێ رۆژی تر دواخرا".

جەختیش دەكاتەوە، خەرجكردنی ئەو پارەیە ناگاتە سەری ساڵی نوێ.

ئەوە لەكاتێكدایە ھێشتا حكوومەتی عێراق پارەی گەنمی جوتیارانی بۆ ھەرسێ ساڵی 2014 و 2015 و 2016 خەرج نەكردووە.

پێشتر محه‌مه‌د ئه‌مین فارس، ئه‌ندامی لیژنه‌ی كشتوكاڵ و سه‌رچاوەكانی ئاو لە پەرلەمانی عێراق به‌ كوردستان24ی راگه‌یاندبوو: "دوای چەندین دانیشتن وەزیری بازرگانی عێراق بەڵێنیدا كە پارەی گەنمی جوتیارانی ھەرێمی كوردستان خەرج بكەن".