لەیلا گوڤەن بەشداری لە پرسەی دایکی ناکات

K24 - ھەولێر

لەیلا گوڤەن، پەرلەمانتارانی پارتی دیموكراتی گەلان (هەدەپە) بەوھۆیەی لە زیندانە ناتوانێت بەشداری پرسەی دایکی بکات.

کۆنگرەی جڤاکی دیموکراتیک (کەجەدە) لە راگەیاندراوێکدا ئاماژەی بەوەکردووە، ئەگەر رێبدرێت، لەلایە گوڤەن، پەرلەمانتاری دەستگیرکراو بەشداری لە پرسەی دایکی دەکات.

 کەجەدە ئاماژەی بەوەشکردووە، کە لەیلا گوڤەن ماوەی 59 رۆژە لە زیندان مانی لە خواردن گرتووە و باری تەندروستی زۆر خراپە و بەشداری پرسەی دایکی ناکات.

دوێنێ دایکی لەیلا گوڤەن، پەرلەمانتاری هەدەپە کۆچی دواییکرد و لە شارۆچکەی جیهانبەیلی لە پارێزگای کۆنیا بەخاکسپێدرا.

لەیلا گوڤەن، پەرلەمانتاری ھەدەپە و ھاوسەرۆكی كەجەدە لە 16/11/2017 لەلایەن ھێزە ئەمنییەكانی توركیا لە شاری ئامەدی باكووری كوردستان دەستگیركرا.