پۆلیسێکی ئەمەریکی تەقە لە سەگێکی بچووکی ماڵی دەکات

K24 – هه‌ولێر:

پۆلیسێکی ویلایەتی ئارکانساس لە ئەمەریکا راستەوخۆ تەقە لە سەگێکی بچووکی ماڵی دەکات و بە سەختی برینداری دەکات.

پۆلیسی شاری فاولکنێر بڵاویکردوەوە: "ئەفسەر واڵاس لەکارەکەی دوورخرایەوە بەهۆی ئەوەی تەقەی لە سەگێک جۆری شیواوا کردووە. ئەم رووداوە ئێمەی زۆر نیگەران کردووە".

بەگوێرەی ئەو گرتە ڤیدیۆیەی خاوەنی سەگەکە بڵاویکردووەتەوە، پۆلیسەکە کاتێک دێتە ماڵی کابرا و دەیەوێت لێکۆڵینەوە بکات، دوو سەگی بچووک لێی نزیک دەبنەوە و یەکێکیان پێی دەوەڕێت، بەڵام ئەفسەرەکە بە بیانووی دروستکردنی مەترسی بۆی، راستەوخۆ تەقەی لێدەکات.

ئەگەرچی گوللـەکە چەناگەی ریسێسی،سەگەکەی، شکاندووە، بەڵام نەمردووە و ئێستا لە ژێر چاودێری پزیشکیدایە.

ماڵپەڕی GoFundMe کە تایبەتە بە کۆکردنەوەی پارەی خێرخوازیی و خێرخوازان تیایدا بە پارەکانیان خێر دەکەن، بڕی 14 هەزار دۆلاری بۆ سەگەکە کۆکردووەتەوە.

سەرچاوە: Independent 

H.J