دوو کەشتی پەنابەران نقووم بوون

K24 – هه‌ولێر:

170 پەنابەر کە لە دوو بەلەمی جیاوازدا بوون لە دەریای ناوەڕاست دیار نەماون و زۆر بەیان خنکاون.

هێلیکۆپتەرێکی ئیتاڵیا توانیویەتی تەنها سێ پەنابەریان رزگار بکات، بەڵام ئەوانی دیکە چارەنووسیان نادیارە و گومان دەکرێت هەموویان خنکابن.

بەوگوێرەی هەواڵێکی RaiNews24، ئەو سێ پەنابەرە رزگارکراوە ئاشکرایانکردووە، لە رۆژی هەینیەوە بەلەمەکەیان نقووم بووە و 120 کەس کە ژن و منداڵی تێدایە نقوومی دەریا بوون.

کەشتییەکان لە مەغریبەوە بەرەو ئیتاڵیا دەڕۆشتن، بەڵام بەرگەی شەپۆلی دەریا و زۆری خەڵکەکەیان نەگرتووە و نقووم بوون، تەواوی هەوڵەکانی ئیتاڵیا و مەغریب بۆ رزگارکردنیان بێ سوود بووە.

لە ١٦ رۆژی یەکەمی ئەم ساڵ، 4 هەزار و 449 پەنابەر بە شێوەیەکی نایاسایی خۆیان گەیاندووەتە ئیتاڵیا لە ئەفریقاوە و ئەم رێژەیەش بە بەروارد بە ساڵی پار نزیکی دوو هێند زیادی کردووە.

ساڵی 2018، دوو هەزار و 297 پەنابەر لە دەریای ناوەڕاست خنکان و 116 هەزار و 989 پەنابەریش لە رێگای دەریا خۆیان گەیاندە ئەوروپا.

H.J