پەیامی مەسرور بارزانی بۆ خانەوادەی خوالێخۆشبوو سەعید یەحیا

K24- هه‌ولێر:

له‌ په‌یامێكدا به‌بۆنه‌ی كۆچی دوایی سه‌عید یه‌حیا خه‌تات، نووسه‌ر و رۆژنامه‌نووسی كورد، مه‌سرور بارزانی، راویژكاری ئه‌نجوومه‌نی ئاسایشی هه‌رێمی كوردستان سه‌رخۆشی له‌ بنه‌ماڵه‌ی خوالێخۆشبوو كرد، ئه‌مه‌ش ده‌قه‌كه‌یه‌تی:

خانەوادەی بەڕێزی خوالێخۆشبوو سەعید یەحیا خەتات:

بە داخەوە هەواڵی کۆچی دوایی مامۆستا سەعید یەحیا خەتاتمان پێگەیشت، هاوبەشی خەمتانین، بەم بۆنە دڵتەزێنەوە پرسە و سەرەخۆشی لە ئێوە و خزم و کەسوکار و دۆستانی خوالێخۆشبوو دەکەین.

‎لە خوای گەورە داواکارین بە بەهەشتی بەرینی خۆی شاد بکات و سەبووری و دڵنەوایش بە هەموو لایەک ببەخشێ.

‎کۆچی دوایی بەرێزیان زیانێکە بۆ بواری رۆشنبیری و رۆژنامەنووسی و ئەدەبی کوردی، بێگومان بەرھەمە دەوڵەمەندەکانی ھەمیشە یادی خوالێخۆشبوو بە زیندوویی دەھێلنەوە.

‎انا للە و انا الیە راجعون، ‎براتان ‎مەسرور بارزانی، ٢٩/١/٢٠١٩

H.B