تورکیا داود باغستانی دەستگیر کرد
وەکو سەرکردەی پەکەکە ناوی دەبات
K24 – ههولێر:
داود باغستانی، سەرۆکی دەزگای ئیسرائیل - کورد، بە تۆمەتی ئەندامبوون لە پارتی کرێکارانی کوردستان (پەکەکە) لە باکووری کوردستان و لە باشووری پارێزگای ئەدەنە دەستگیرا کرا.
هێزە ئەمنییەکانی تورکیا، داود باغستانیان لەگەڵ سێ کەسی دیکە دەستگیرکردووە و بە گوێرەی هەواڵێکی ئانادۆڵیش: "پۆلیس دەستی گرتووە بەسەر چەند بەڵگەیەکی ئەلیکترۆنی و شەش مۆبایلیدا".
سایتی دەیلی سەباحی نزیک لە حکوومەتی تورکیا، لەبارەی داود باغستانی نووسیویەتی: "ناسنامەی ساختەی بەکارهێناوە و پەیوەندی لەگەڵ کەجەکە، پەکەکە، پەیەدە و پژاک هەبووە و لە میدیا و تۆڕە کۆمەڵایەتییەکان پڕوپاگندەی بۆ تیرۆر کردووە".
داود باغستان سەرۆکی سەرۆکی دەزگای ئیسرائیل – کوردە. هەروەها، سەرنووسەری گۆڤار و رۆژنامەی ئیسرائیل کوردە کە لە ئۆرشەلیم چاپ دەکرێت.
پێشتریش، بەرپرسی تەلەڤزیۆن و گۆڤاری ماف بووە و لە چەندین چالاکی میدیایش لە بەشە جیاوازەکانی کوردستان بەشداریی کردووە.