بۆ چارەسەرکردنی قەیرانی سووریا و پرسی کورد ئۆپۆزسیۆن داوای رۆڵ لە سەرۆک بارزانی دەکات

K24 – هه‌ولێر:

ئەمڕۆ شەممە 02/02/2019، سەرۆك مەسعود بارزانی  لەگەڵ د. نەسر حەریری سەرۆكی دەستە و ئەندامانی دەستەی دانوستانکاری ئۆپۆزیسیۆنی سووریا کۆبووە و باسیان لە قەیرانەکانی ئێستا و داهاتووی سووریا کرد.

بەگوێرەی راگەیندراوێکی ماڵپەڕی سەرۆک مەسعود بارزانی: "لە دیدارەكەدا شاندی میوان سوپاسی هەڵوێستەكانی سەرۆك بارزانیان كرد لە پاڵپشتیكردن و پەرۆشی بۆ بارودۆخ و ژیان و گوزەرانی خەڵكی سووریا".

هەر بە گوێرەی راگەیندراوەکە: "دەستەی دانوستانکاری ئۆپۆزسیۆنی سووریا داوایان لە سەرۆك بارزانی کردووە رۆڵی هەبێت لە سەرخستنی ئەو هەوڵانەی كە بۆ چارەسەركردنی قەیرانی سووریا و ئاییندەی كورد لەو وڵاتە لە ئارادان".

کشانەوەی هێزەکانی ئەمەریکا لە سووریا، روونکردنەوەی رۆڵی لایەنە سیاسییە كوردییەكانی سووریا و تێپەڕاندنی قەیرانەكان، چەند بابەتێکی دیکەی دیدارەکە بوون.

H.J