سەمای بووک و زاوایەک خۆشەویستی زیندوو دەکاتەوە

K24 – هه‌ولێر:

دیمەنێکی دڵڕفێنی رۆژی هاوسەرگیریی کوڕێک خاوەن پێداویستی تایبەت و کچێک، بووتە جێی سەرنجی بەکاربەرانی تۆڕە کۆمەڵایەتییەکان.

کوڕەکە لەسەر کورسییە و توانای رێکردنی نییە، بەڵام هاوڕێکانی یارمەتی دەدەن بە پێوە سەما لەگەڵ هاوژینەکەی بکات.

ئەو گرتە ڤیدیۆیە کاردانەوەی زۆری بە دوای خۆیدا هێناوە، زۆر کەس بە "خۆشەویستی راستەقینە و پاک" ناو دەبەن و ستایشی ئەو خانمە دەکەن دڵی لە کەسێک گۆڕیوەتەوە کە رەنگە ناتوانێت وەکو کەسێکی ئاسایی رێ بکات.

 هەندێکی دیکەش ستایشی هاوڕێکانی زاوا دەکەن، کە بوونە داردەستی و رێگای سەماکردنی بۆ خۆش دەکەن.

H.J