توێژینەوەیەک کاریگەری دووکەڵی ئۆتۆمبێل لەسەر چالاکی سێکسیی پیاوان ئاشکرا دەکات

K24 – هه‌ولێر:

توێژینەوەیەک ئاشکرای کردووە، ئەو پیاوانەی لە نزیک رێگا سەرەکییەکان دەژین، لە سەرجێیکردندا لاوازترن.

ئەو ژەهرەی لە ئۆتۆمبێل و بارهەڵگرەکان دێتە دەرێ، چوونی خوێن بۆ کۆئەندامی زاوزێی پیاوان کەمتر دەکات، لە ئەنجامدانی چالاکی سێکسیی لاواز دەبێت.

زانکۆی گوانگژوی چینی، توێژینەوەکەی ئەنجامداوە و تیایدا ئاشکرا کراوە، ژینگەی پیس کاریگەری لەسەر ئاستی سێکسکردنی پیاوان هەیە.

ئاشکراش کراوە، ئەو ژەهرەی لە ژینگەی پیس هەڵدەمژرێن، کاریگەری لەسەر سییەکان هەیە و وادەکەن پیاوان زووتر ماندوو ببن لە کاتی ئەنجامدانی سێکسدا.

د. شانکون ژاو، لە بارەی توێژینەوەکە دەڵێت: "یەکەمجارە توێژینەوەکەمان پاشماوەی ئۆتۆمبێلەکان لەسەر چووک و ئەندامی نێرینە ئاشکرا دەکات".

دەشڵێت: "لە ماوەیەکی درێژدا، ئەو ژەهرانە، نیگەرانی زیاتر دروست دەکەن چونکە دەبنە هۆی نەخۆشی Erectile Dysfunction ( لاوازیی سێکسی یاخود خۆڕانەگرتن لە بەردەوامی سێکسردن)".

هەر ئەم هۆکارەشە وادەکات، ئەوانەی جگەرە و دووکەڵ هەڵدەمژن، لە سێکسدا لاوازبن.

پسپۆران ئامۆژگاری پیاوان دەکەن، لەو شوێنانە دوور بکەونەوە کە رێڕەوی ئۆتۆمبێلێکی زۆرە و رۆژانەش وەرزش بکەن، چونکە ژینگەیەکی پاک و وەرزشکردن سووری خوێن چالاک دەکەن و دەبنە هۆی بەهێزیی سییەکانیش.

The Sun

H.J