ژمارەیەك بكوژ و تۆمەتبارێك لە ھەولێر دەستگیر كران
لە چەند تاوانێكی جۆراوجۆرەوە تێوە گلاون
.jpg)
K24 - ھەولێر
ژمارەیەك بكوژ و تۆمەتبار لە ھەولێر دەستگیر كران و بڕیارە پۆلیسی ھەولێر لە كۆنگرەیەكی رۆژنامەوانیدا ناسنامەی بكوژەكان رابگەیەنێت.
عەبدولخالق تەڵعەت، بەڕێوەبەری پۆلیسی هەولێر رایگەیاند، لە ماوەی رابردوودا چەند تۆمەتبارێكیان دەستگیر كردووە، كە لە چەند تاوانێكی جۆراوجۆرەوە تێوە گلاون و هەندێك لەو تۆمەتبارانە دوای ئاشكرابوونی تۆمەتەكەیان، خۆیان رادەستی پۆلیسی هەولێر كردووە.
روونیكردەوە: "مەفرەزەكانمان لە ماوەی رابردوودا چەندین تۆمەتباریان دەستگیر كردووە، كە چەند تاوانێكیان لە هەولێر و دەوروبەریدا ئەنجامداوە و ئێستاش دانیان بە تاوانەكانیاندا ناوە و بە گوێرەی یاسا مامەڵەیان لەگەڵدا دەكرێت".
بەڕێوەبەری پۆلیسی ھەولێر راشیگەیاند: "لە چەند رۆژی رابردوودا بەشێك لەو تۆمەتبارانە خۆیان رادەستی پۆلیسی هەولێر كردووە".
ئاشكراشی كرد: "پۆلیسی ھەولێر لە چەند رۆژی داهاتوودا، ناسنامەى بكوژان، سەرپێچیكاران و تەقەكەرەكان، لە كۆنگرەیەكی رۆژنامەوانیدا دەخاتە بەر دیدی هاووڵاتیان و لە میدیاكاندا بڵاويان دەكاتەوە".