یه‌كێتی گوته‌بێژی خۆی ده‌گۆڕێت
كه‌سێكی دیكه وه‌ك گوته‌بێژ ده‌ستنیشان ده‌كات
K24 - هه‌ولێر:
یه‌كێتی نیشتمانی كوردستان، له كۆبوونه‌وه‌ی ئه‌مڕۆی سه‌ركردایه‌تیدا بڕیاریدا گوته‌بێژی حزبه‌كه بگۆڕێت و له جێگه‌ی سه‌عدی ئه‌حمه‌د پیره، له‌تیف شێخ عومه‌ر ده‌ستنیشان ده‌كات.
به گوێره‌ی میدیای فه‌رمی یه‌كێتی، له كۆبوونه‌وه‌ی ئه‌مڕۆی سه‌ركردایه‌تیدا، یه‌كێتی بڕیاریداوه له‌تیف شێخ عومه‌ر، وه‌كو گوته‌بێژ به فه‌رمی ده‌ستنیشان بكات و ناوبراویش بڕیاره‌كه‌ی بۆ میدیای یه‌كێتی پشتڕاستكردووه‌ته‌وه.
له‌تیف شێخ عومه‌ر بۆ میدیای حزبه‌كه‌ی گوتیشی: "دوای راییكردنی چه‌ند رێكارێكی یاسایی له‌داهاتوودا وه‌ك وته‌بێژی یه‌كێتی خزمه‌تی یه‌كێتی ده‌كه‌م".
هاوكات سه‌ركردایه‌تی یه‌كێتی، له كۆبوونه‌وه‌ی ئه‌مڕۆیدا، به فه‌رمی نه‌جمه‌دین كه‌ریمی له ئه‌ندامێتی مه‌كته‌ب سیاسی دوورخسته‌وه.
ئ. م
