بووکەکەی داعش و هاوسەرەکەی دەیانەوێت بگەڕێنەوە ئەوروپا

K24 – هه‌ولێر:

یاگۆ ریدیک چەکداری داعش و ھاوسەری شەمیمە بێگەم داوا لە حکوومەتی ھۆڵەندا دەکات رێگەی پێ بدەن بگەڕێتەوە ئەوروپا.

 ریدیک کە ئێستا لەگەڵ شەمیمەی خێزانی و منداڵە ساواکەیان لە کەمپێکدان لەژێر کۆنترۆڵی ھەسەدە دەڵێ: "زۆر پەشیمانم لەوەی چوومە ناو داعش، ھەڵەمانکرد و داوا دەکەین چانسێکی دیکەمان پێبدرێت و بگەڕێینەوە ژیانی ئاسایی خۆمان".

ئەمەش لەکاتێکدایە، پێشتر بەریتانیا رەتیکردەوە رێگا بدات بێگەمی هاوسەری ریدیک بۆ بەریتانیا بگەڕێتەوە و هۆڵەنداش هەمان هەڵوێستی لەبارەی ریدیک هەیە. ئەو دوو هاوسەرە هۆڵەندیی و بەریتانیە لە ساڵی 2015 پەیوەندییان بە داعشەوە کرد و بەرەو سووریا بەڕێککەوتن، بەڵام ئێستا کە داعش هەرەسیهێناوە، داوای بەزەیی دەکەن.

ئامادەکردن: نوشین حەمێ

 H.J