پارتی و گۆڕان باس لە پرسی پێکهێنانی حکومەت دەکەن

K24 – هه‌ولێر:

شاندێکی پارتی و بەرپرسانی بزووتنەوەی گۆڕان کاتژمێر 11ی ئەمڕۆ 06/04/2019 لە مەکۆی سەرەکی بزووتنەوەی گۆڕان لە سلێمانی کۆدەبنەوە.

بەگوێرەی زانيارییەکانی كوردستان24، شاندی هەردوولا تاوتوێی هەنگاوەکانی پێكهێنانی حكومەت دەکەن و هاوكات شاندی پارتی بەرچاو روونی زياتر دەدات به بزووتنەوەی گوڕان سەبارەت بە رێککەوتنی پارتی و یەکێتی.

شاندەکەی پارتی بە سەرپەرشتی د.کەمال کەرکووکی و شاندەکەی گوڕانيش بە سەرپەرشی جەلال جەوهەر کۆدەبنەوە.

هەر کاتژمێر 11ی ئەمڕۆ، مەکتەبی سیاسی یەکێتی بە سەرپەرشتی کۆسرەت رەسووڵ، جێگری یەکەمی سکرتێری گشتی یەکێتی کۆدەبێتەوە و پرسی رێککەوتنی پارتی و یەکێتی و بەشدارییان لە حکومەت تاوتوێ دەکات.

H.J