پردێکی سەرەکی سلێمانی بۆ ماوەی دوو مانگ دادەخرێت

K24 – هه‌ولێر:

بەهۆی نۆژەنکردنەوەی، پردی دەباشان لە سلێمانی بۆ ماوەی دوو مانگ دادەخرێت.

رائيد كاروان محەمەد، وتەبێژی بەڕێوەبەرایەتی هاتووچۆی سلێمانی بە کوردستان24ی راگەیاند: " لەمڕۆوە پردی دەباشان بۆ ماوەی دوومانگ بەربەست دەکرێت و نۆژەندەکرێتەوە".

ئاماژەی بەوەشدا، تەنها رێگای پردەکە دادەخرێت و رێگای چوونە ئەزمەر و دەباشان لە شەقامی بازنەی مەلیک مەحموودەوە ئاسایی دەبێت.

پێشتریش چەند جارێک ئەو پردە نۆژەنکراوەتەوە و داخراوە.

H.J