بارەگای هەدەپە لە دیاربەکر گەمارۆ دەدرێت
ھەدەپە بەنیاز بوو راگەیەندراوێك لەبارەی مانگرتووان بڵاوبكاتەوە
K24 - دیاربەكر
ھێزە ئەمنییەكانی توركیا بارەگای پارتی دیموكراتی گەلان (ھەدەپە) لە دیاربەكر و خۆپیشاندانی دایكی مانگرتووان گەمارۆ دەدەن و رێگری لە خۆپیشاندان دەكەن.
حەسەن كۆسەن، پەیامنێری كوردستان24 لە دیاربەكر رایگەیاند: "بڕیاربوو ئەمڕۆ هەدەپە لە بارەگای پارتەکەی لە دیاربەکر راگەیاندراوێک لەبارەی دۆخی مانگرتووان بڵاوبکاتەوە، بەڵام پێش بڵاوکردنەوەی راگەیاندراوەکە هێزە ئەمنییەکانی تورکیا گەمارۆی بارەگەکان دا و رێگە بە ئەندام و بەرپرسانی هەدەپە نادەن بچنە نێو بارەگاکە و هیچ راگەیاندراوێک بڵاوبکەنەوە".
گوتیشی: "ھاوكات لەلایەن ھێزە ئەمنییەكانەوە رێگە بە دایكی مانگرتووان نادرێت خۆپیشاندان ئەنجامبدەن".
ھ.م