سلێمانی.. له‌ باخی گشتی تەقە لە کەسێک کرا

K24 – سلێمانی:

ئه‌و كه‌سه‌ی‌ له‌ باخی‌ گشتی‌ كه‌سێكی‌ بریندار كرد، له‌لایه‌ن هێزه‌كانی‌ پۆلیسه‌وه‌ ده‌ستگیر كرا.

کاتژمێر 11ی بەیانی ئه‌مڕۆ 2019/5/21، لە باخی گشتیی شاری سلێمانی، گەنجێک تەقەی‌ لە کەسێک کرد و برینداری كرد، بەڵام لە لایەن پۆلیسی سلێمانییەوە تەقەکەرەکە دەستگیر کرا.

بە گوێرەی راگەیەندراوێکی پۆلیس، تۆمه‌تباره‌كه‌ ناوی‌ (ر، س، ع) له‌دایكبوی‌ ساڵی‌ 2000ه‌ و له‌لایه‌ن بنكه‌ی‌ پۆلیسی‌ سه‌راوه‌ په‌ڕاوی‌ لێكۆلینه‌وه‌ بۆ روداوه‌كه‌ كرایه‌وه‌ و لێكۆڵینه‌وه‌كان ده‌ستیان پێ كردووه‌.

شایه‌تحاڵێک بە کوردستان24ی راگەیاند، تەقەکەرەکە کوڕێکی گەنج بووە و دوو گولـلەی لە کەسێکی بە تەمەن داوە.

پۆلیسی سلێمانی ئاشکرای کردووە، دوای‌ روداوه‌كه‌، له‌لایه‌ن هێزه‌كانی‌ پۆلیسه‌وه‌ برینداره‌كه‌ ره‌وانه‌ی‌ نه‌خۆشخانه‌ی‌ فریاكه‌وتنی‌ سلێمانی‌ كرا.

H.J