سوپای توركیا ئۆپراسیۆنێكی سهربازی بۆ سهر خواكوڕك دهستپێكرد
به بهشداری هێزی كۆماندۆزی توركی و تۆپخانهكانی سوپا
K24 – ههولێر:
سوپای توركیا رایگهیاند، ئۆپراسیۆنێكی سهربازی به ئامانجی گورزوهشاندن له چهكدارانی پارتی كرێكارانی كوردستان له "باكووری عێراق" دهستپێكردووه.
وهزارهتی بهرگری توركیا رایگهیاند، له ئێوارهی دوێنێوه ئۆپراسیۆنهكهیان به بهشداری هێزی كۆماندۆزی توركی و تۆپخانهكانی سوپا دهستپێكردووه و سنووری ئۆپراسیۆنهكهش شاخی خواكوڕك و ناوچهكانی دهوروبهریهتی.
پێشتر چهندینجار سهرۆكی توركیا، رهجهب تهیب ئهردۆغان بهڵێنی ئهوهی دابوو، كه وڵاتهكهی له هێرشهكانی بۆ سهر "تیرۆریستان" له عێراق بهردهوام دهبێت بۆ دهستهبهركردنی ئاسایشی توركیا.