یاریی کۆتایی لە یۆرگن کلۆپ بووەتە گرێکوێرەیەکی گەورە

یۆرگن کلۆپ یاریی کۆتایی لێ بووەتە گرێکوێرەیەکی گەورە، جگە لەوەی لە کۆی حەوت یاریی کۆتایی شەش جار دۆڕاوە و نازناوەکانی لەدەست داوە، پێشتر لە سەردەمی لاویەتیشدا لە دوایین قۆناخ ملیۆنێک یۆرۆی لەدەست داوە.

ساڵی ١٩٩٥ کاتێک یۆرگن کلۆپ لە ریزەکانی یانەی ماینزی ئەڵمانی یاریزان بوو، بەشداریی بەرنامەی ملیۆننێری کردووە و سەرجەم پرسیارەکانی بەرنامەکەی زانیوە و وەڵامی دروستی داوەتەوە، تەنیا پرسیاری کۆتایی نەبێت، ئەوکاتیش کلۆپ کە هەروەکو ئێستا سوورە بوو، پرسیاری کۆتایی نازانێت و ملیۆنێک یۆرۆ دەدۆڕێنێت.

كڵۆپ پێشتر دوو یاری كۆتایی چامپیۆنزلیگ له‌گه‌ڵ یانه‌كانی لیڤه‌رپوول و دۆرتمۆند دۆڕاندووه‌، پێدەچێت کلۆپ هەمیشە لە دوایین هەنگاو شکست بووبێتە بەشی، بەڵام دیار نییە ئەمشەو چارەنووسی ئەو راهێنەرە ئەڵمانییە چۆن دەبێت.