پلەی گەرما بەرز دەبێتەوە

K24 - ھەولێر

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەگوێرەی پێشبینیەكان ئەمڕۆ ئاسمانی ھەرێمی كوردستان ساماڵ دەبێت و لەگەڵ بوونی ھەندێك پەڵە ھەور.

لەبارەی كەشوھەوای سبەی كەشناسی پێشبینی دەكات، رۆژی دووشەممە ئاسمانی ھەرێمی كوردستان ساماڵ دەبێت و پلەی گەرما بەرز دەبێتەوە، بە جۆرێك لە ھەولێر بەرزترین پلەی گەرما لە ھەولێر 40 پلە و نزمترین پلە 27، لە سلێمانی بەرزترین پلە 37 و نزمترین 25 پلە، لە دھۆك بەرزترین پلە 39 و نزمترین پلە 24، لە كەركووك بەرزترین پلە 41 و نزمترین پلە 29 پلەی سیلیزی دەبێت.