ئامارێكی دیكه‌ی قوربانیی و رفێندراوانی ئێزیدی ئاشكرا ده‌كرێت

K24- هه‌ولێر:

نووسینگه‌ی رزگاركركردنی رفێندراوانی ئێزدی ئامارێكی نوێی قوربانیان و رزگاركراوان ئاشكرا ده‌كات.

به‌ گوێره‌ی به‌یاننامه‌ی نووسینگه‌ی رفێندراوانی ئێزدی، له‌ سه‌ره‌تای داگیركردنی شنگاله‌وه‌، له‌ 3ی ئابی ساڵی 2014‌، 6 هه‌زار و 417 رفێندراون، كه‌ له‌و ژماره‌یه‌، 3 هه‌زار و 548ـیان له‌ ره‌گه‌زی مێ، 2 هه‌زار و 869ـیان له‌ ره‌گه‌زی نێرن.

وه‌ك له‌ به‌یاننامه‌كه‌ی نووسینگه‌ی رزگاركردنی رفێندراوانی ئێزدیدا ئاماژه‌ی پێ دراوه‌، تا ئێستا 3 هه‌زار و 476 كه‌س رزگار كراون، كه‌ 1184ـیان ئافرتن، ئه‌وانی دیكه‌ش پیاو و منداڵن.

هه‌ر به‌ گوێره‌ی ئاماره‌ نوێیه‌كه‌، تا ئێستا 2 هه‌زار و 941 كه‌س، چاره‌نووسیان نادیاره‌ و نه‌دۆزراونه‌ته‌وه‌.

پێش هێرشه‌كانی داعش، ژماره‌ی ئێزدییه‌كان له‌ عێراق، 550 هه‌زار كه‌س بوو و دوای شه‌ڕه‌كه‌ش، 360 هه‌زاریان ئاواره‌ بوون.

H.B