تورکمانەکان داواکانیان بۆ کابینەی داهاتوو ئاشکرا دەکەن

K24 – هه‌ولێر:

دوای تەواوی کۆبوونەوەی مەسرور بارزانی، راسپێردرا بۆ پێکهێنانی کابینەی داهاتووی حکوومەت و شاندی یاوەری لەگەڵ 9 لایەنی تورکمانی، ئەندامێکی شاندی لایەنە تورکمانەکان، داواکانیان بۆ کابینەی داهاتووی حکوومەت ئاشکرا دەکات.

محەمەد سەعدەدین، سەرۆکی پارتی گەشەپێدانی تورکمانی کە خاوەنی دوو کورسی پەرلەمانین، بە کوردستان24ی راگەیاند: "پاکێجێکی یەکگرتوومان پێشکەش بە مەسرور بارزانی کردووە و بەڕێزیان بە ئەرێنیی وەڵامی داینەوە".

راشیگەیاند: "داوامانکردووە راوێژکار، بریکاری وەزیرمان پێبدرێت و لە  بەڕێوەبەڕایەتییەکان پۆستمان پێ بدرێت و هەروەها لە نوێنەرایەتییەکانی هەرێمی کوردستانیش، نوێنەرمان هەبێت".

ئاماژەی بەوەشدا: "پشتگیری لە کابینەی داهاتووی حکوومەت هەرێمی کوردستان بە سەرۆکایەتی مەسرور بارزانی دەکەین".

ئەمڕۆ شەممە 22/06/2019، مەسرور بارزانی سەردانی پێکهاتە جیاوازەکانی هەرێمی کوردستان بەمەبەستی بەشداریی پێکردنیان لە کابینەی داهاتووی حکوومەتی هەرێمی کوردستان دەکات.

H.J