گۆڕان لەبارەی پۆستە وەزارییەکانی بڕیاریدا

K24 – سلێمانی:

کۆبوونەوەی جڤاتی نیشتیمانیی بزووتنەوەی گۆڕان بۆ یەکلاکردنەوەی پۆستە وەزارییەکان کۆتایی هات و بڕیاردرا ڕێکخەری گشتی بزووتنەوەکە سەرپشک بکرێت بۆ یەکلا کردنەوەی پۆستەکان.

ئەمڕۆ هەینی 05/07/2019، جڤاتی نیشتیمانیی بزووتنەوەی گۆڕان بۆ بڕیاردان لەبارەی چۆنیەتی هەڵبژاردنی پۆستە وەزارییەکان کۆبووەوە و چەند میکانیزمێک تاوتوێکرا، بەڵام لە کۆتاییدا بڕیاردا، رێکخەری گشتی ئەو پرسە یەکلا بکاتەوە.

بەگوێرەی زانیارییەکانی پەیامنێری کوردستان24 لە سلێمانی کاندیدانی بزووتنەوەی گۆڕان بۆ پۆستە وەزارییەکان بەم جۆرەی خوارەوەن:

وەزارەتی دارایی: ئاوات شێخ جەناب، هاوار شێخ رەئوف و شوڕش حەميد.

وەزارەتی بازرگانی: داهێن هاشم،  كاروان هاشم،  چالاك موهەندیس و  بەشدار حسێن.

وەزارەتی ئاوەدانکردنەوە: دانا عەبدولکەریم، هيوا قلياساني و عومەر عينايەت.

وەزارەتی کاروباری کۆمەڵایەتی: ئاراس وەلی، چيمەن حەمەڕەشید، هه ژار مەعروف و کوێستان محەمەد.

هەروەها، گۆڕان جێگرێکی سەرۆکی هەرێم و یاریدەدەری سەرۆکی حکوومەت بۆ کاروباری چاکسازیی بەرکەوتووە و دەبێت پێش 11ی ئەم مانگە، ناوی کاندیدەکانیان رادەستی مەسرور بارزانی، راسپێردراو بۆ پێکهێنانی کابینەی نۆیەمی حکوومەتی هەرێمی کوردستان، بکات.

H.J