توركیا ئۆپه‌راسیۆنێكی فراوانی له‌ قه‌ندیل ده‌ستپێكرد

K24- هه‌ولێر:

فڕۆکە جەنگییەکانی تورکیا بنکە و باره‌گاكانی پارتی کرێکارانی کوردستان په‌كه‌كه‌ لە قەندیل بۆردومان دەکەن و چه‌ندین بنكه‌ و جبه‌خانه‌یان ته‌قاندووه‌ته‌وه‌.

وەزارەتی بەرگری تورکیا بڵاویکردەوە، فڕۆكه‌كانیان ئۆپەراسیۆنێکی فراوانی ئاسمانیان لە قەندیل دەستیپێکردووە و چەندین بنکە و باره‌گای پەکەکەیان کردووەتە ئامانج.

لە راگەیه‌ندراوەکەی وەزارەتی بەرگری تورکیادا هاتووە، لە ئەنجامی بۆردومانەکەدا دەیان بنکە و کۆگای چەك تەقێندراونەتەوە.

لەلایەکی دیکەوە پەیامنێری کوردستان24 لە سۆران رایگەیاند؛ تۆپخانە و فڕۆکە جەنگییەکانی تورکیا بە خەستی بنکەکانی پەکەکە لە دەڤەری برادۆست بۆردومان دەکەن.

دوای شكستهێنانی پرۆسه‌ی ئاشتی له‌ توركیا و باكووری كوردستان گرژییه‌كان گه‌ڕانه‌وه‌ و، به‌هۆی شه‌ڕی په‌كه‌كه‌ و بۆردومان و تۆپبارانی سوپای توركیا، ژماره‌یه‌كی زۆری گوند و ئاواییه‌كانی ناوچه‌ سنوورییه‌كانی هه‌رێمی كوردستان چۆڵكراون.

H.B