بڕیاری قەدەغەکردنی "بڵندگۆی کاسبکاران" جێبەجێدەکرێت

K24 – هه‌ولێر:

قایمقامیەتی سلێمانی بڕیاری قەدەغەکردنی ئەو بڵندگۆیانەی لە لایەن بەشێک لە فرۆشیار و کاسبکارانەوە بەکاردەهێنرێت خستە بواری جێبەجێکردنەوە.

بڵندگۆکان بوونەتەوە هۆی بێزارکردنی هاووڵاتیان و لیژنەکانی قایمقامیەتی سلێمانیش، هەڵمەتی دەستبەسەراگرتنی ئەو بڵندگۆیانەی دەستپێکردووە.

دەقی راگەیەندراوەکەی قایمقامیەتی سلێمانی:

بڕیاری قەدەغەكردنی "بڵندگۆ" كە لەلایەن بەشێك لە فرۆشیار و كاسبكارانەوە بەكاردەهێندرێت و بووەتە هۆی بێزاركردنی هاوڵاتیان چووەتە بواری جێبەجێ كردنەوە و لەو چوارچێوەیەشدا لیژنەهاوبەشەكان لە چەند شوێنێكی جیای شاری سلێمانی دەستبەسەر بڕێكی زۆر  بڵندگۆدا دەگرن ,

پاش ئەوەی قائیمقامی سلێمانی لەسەر سكاڵای هاوڵاتیان بڕیاری قەدەغەكردنی "بڵندگۆ" دا و بڕیارەكە چووە بواری جێبەجێ كردنەوە , لەچەند رۆژی رابردوودا لیژنەهاوبەشەكانی قائیمقامیەتی سلێمانی و لیژنەكانی چاوێری بازرگانی سلێمانی لە چەند گەڕەك و شوێنێكی جیای شارەكە دەستیان گرت بەسەر بڕێكی زۆر  "بڵندگۆ" دا كە لەلایەن بەشێك لە فرۆشیاران و كاسبكاران لەكاتی ساغ كردنەوەی كاڵاكانیان بەكاری دەهێنن.