په‌رله‌مانی عێراق دوا دانیشتنی وه‌رزی یه‌كه‌می یاسادانان به‌ڕێوه‌ده‌بات

K24- هه‌ولێر:

ئەمڕۆ ئەنجوومەنی نوێنەرانی عێراق، دوا کۆبوونەوەی وەرزی یەکەمی یاسادانان به‌ڕێوه‌ ده‌بات و كارنامه‌ی دانیشتنه‌كه‌شی راگه‌یاندووه‌.

ئەنجوومەنی نوێنەرانی عێراق، کارنامەی دانیشتنەکەی ئەمڕۆی بڵاوکردەوە، کە کاتژمێر 1:00ی دوای نیوەڕۆ ئەنجام دەدرێت.

وه‌ك راشگه‌یه‌ندراوه‌، بڕیارە له‌ دانیشتنه‌كه‌دا چەند پڕۆژە یاسایەك تاوتوێ بکرێن، لەوانە: دەنگدان لەسەر پڕۆژە یاسای دەستەی باڵای دەریاوانی، گفتوگۆکردن لەبارەی هەمواری یەکەمی یاسای وەزارەتی پەروەردە، یاسای خۆدزینەوە لە باج و یاسای رێکەوتنی نێوان حکومەتی عێراق و لیژنەی خاچی سوور و چەند پڕۆژە یاسایەکی دیکە.

دوای ئەم کۆبوونەوەیەی ئەمڕۆ، پەرلەمانی عێراق، وەرزی یەکەمی یاسادان تەواو دەکات و دەکەوێتە پشووی هاوینەوە.

H.B