ئه‌مڕۆ پاڵه‌وانێتی رۆژئاوای ئاسیا ده‌ستپێده‌كات

ئه‌مرۆ سێشه‌مه‌ یارییه‌كانی پاڵه‌وانێتی رۆژئاوای ئاسیا ئه‌نجامده‌درێت، هه‌ڵبژارده‌ به‌شداربووه‌كان به‌سه‌ر دوو كۆمه‌ڵه‌ دابه‌شكراون، رۆژانه‌ یاریی یه‌كه‌م كاتژمێر (7:30)ـی ئێواره‌ به‌ڕێوه‌ده‌چێت و یاریی دووه‌میش كاتژمێر(10:30)ـی شه‌و ده‌كرێت، یارییه‌كانی كۆمه‌ڵه‌ی دووه‌م له‌ یاریگای یه‌كه‌می فڕه‌نسۆ هه‌ریری ده‌بێت.

پاڵه‌وانێتی رۆژئاوای ئاسیا ئه‌مجاره‌ له‌ عێراق ده‌كرێت، 9 هه‌ڵبژارده‌ تیایدا به‌شدارن به‌سه‌ر دوو كۆمه‌ڵه‌ دابه‌شكراون، یارییه‌كانی كۆمه‌ڵه‌ی یه‌كه‌م له‌ شاری كه‌ربه‌لا ده‌بێت، كه‌ پێكدێن له‌ هه‌ڵبژارده‌كانی (عێراق، سوریا، یه‌مه‌ن، فه‌له‌ستین و لوبنان)، كۆمه‌ڵه‌ی دووه‌میش پیكهاتوون له‌ (سعودیه‌، كوێت، به‌حرێن، ئوردن) كه‌ یارییه‌كانی ئه‌م كۆمه‌ڵه‌یه‌ له‌ هه‌ولێر ده‌كرێن، له‌هه‌ر كۆمه‌ڵه‌یه‌ك هه‌ڵبژارده‌یه‌ك سه‌رده‌كه‌وێت و ده‌گاته‌ یاریی كۆتایی.

ئه‌مڕۆ هه‌ڵبژارده‌ی عێراق له‌ یاریی كردنه‌وه‌ی پاڵه‌وانێتییه‌كه‌ له‌ یاریگای كه‌ربه‌لا له‌ كاتژمێر(7:30)ـی ئێواره‌ رووبه‌ڕووی لوبنان ده‌بێته‌وه‌ ، یاریی دووه‌می ئه‌م كۆمه‌ڵه‌یه‌ له‌سه‌ر هه‌مان یاریگه‌ له‌ نێوان یه‌مه‌ن و فه‌ڵه‌ستین له‌ كاتژمێر(10:30) ده‌كرێت و یارییه‌كانیش سێ رۆژه‌ك جاره‌ك به‌ڕێوه‌ده‌چێت.

خشته‌ی یارییه‌كانی كۆمه‌ڵه‌ی یه‌كه‌م

رۆژی هه‌ینی داهاتوو:

 فه‌له‌ستین – عێراق، كاتژمێر (7:30)

لوبنان - سوریا   كاتژمێر (10:30) شه‌و، هه‌ڵبژارده‌ی یه‌مه‌ن، چاوه‌ڕوانه‌

یارییه‌كانی رۆژی دووشه‌ممه‌ی داهاتوو (5/8/2019):

سووریا – یه‌مه‌ن كاتژمێر (7:30)ـی ئێواره‌

لوبنان – فه‌له‌ستین كاتژمێر (10:30)ـی شه‌و

 هه‌ڵبژارده‌ی عێراق، چاوه‌ڕوانه‌

یارییه‌كانی رۆژی (8/8/2019)

یه‌مه‌ن – لوبنان كاتژمێر (7:30)

سووریا – عێراق كاتژمێر (10:30)

 فه‌له‌ستین چاوه‌ڕوانه

یارییه‌كانی رۆژی (11/8/2019)

فه‌له‌ستین – سووریا  كاتژمێر (7:30)

عێراق – یه‌مه‌ن  كاتژمێر (10:30)

 هه‌ڵبژارده‌ی لوبنان چاوه‌ڕوانه‌

خشته‌ی یارییه‌كانی كۆمه‌ڵه‌ی دووه‌م:

یارییه‌كانی ئه‌م كۆمه‌ڵه‌یه‌ له‌ هه‌ولێر له‌سه‌ر یاریگای یه‌كه‌می فره‌نسۆ هه‌ریری ده‌كرێت

یارییه‌كانی رۆژی پێنجشه‌ممه‌ی داهاتوو

ئوردن – به‌حرێن، كاتژمێر (7:30)ـی ئێواره‌

سعوودیه‌ - كوێت، كاتژمێر (10:30) شه‌و

یارییه‌كانی رۆژی (4/8/2019):

به‌حرێن – سعوودیه‌ كاتژمێر (7:30)

كوێت – ئوردن كاتژمێر (10:30)

 یارییه‌كانی رۆژی (7/8/2019):

به‌حرێن– سعوودیه‌ كاتژمێر (7:30)

كوێت – ئوردن كاتژمێر (10:30)

یارییه‌كانی رۆژی (10/8/2019)

ئوردن – سعوودیه‌ كاتژمێر (7:30)

كوێت – به‌حرێن كاتژمێر (10:30)

یاریگای یه‌كه‌می فڕه‌نسۆ هه‌ریری ماوه‌یه‌كه‌ ده‌ست به‌نۆژه‌نكردنه‌وه‌ی كراوه‌، له‌ ئێستادا ئاماده‌یه‌ یارییه‌كانی كۆمه‌ڵه‌ی دووه‌می پاڵه‌وانێتی رۆژئاوای ئاسیای له‌سه‌ر به‌ڕێوه‌بچێت، بۆ رۆژانی مه‌شق و راهێنانیش سوود له‌ یاریگاكانی دیكه‌ی وه‌ك یاریگای هه‌ندرێن و برایه‌تی و ئارارات ده‌بینرێت، رۆژی یه‌كه‌می یارییه‌كانی یاریگای فڕه‌نسۆ هه‌ریری له‌ نێوان ئوردن و به‌حرێن ده‌بێت له‌ كاتژمێر(7:30)، یاریی دووه‌میش له‌سه‌ر هه‌مان یاریگا له‌ نێوان سعودیه‌ و كوێت ده‌بێت له‌ كاتژمێر (10:30)، له‌هه‌ر كۆمه‌ڵه‌یه‌ك كامه‌ هه‌ڵبژارده‌ زۆرترین خاڵی كۆكرده‌وه‌ ده‌گاته‌ یاریی كۆتایی، كه‌ رۆژی 14 مانگ له‌ یاریگای كه‌ربلا كاتژمێر (10:30) شه‌و یاریی كۆتایی به‌ڕێوه‌ده‌چێت.