عەدنان کەریم بەشداریی حەوتەمین فێستیڤاڵی نێودەوڵەتی فیلم لە دهۆک دەکات

K24 – هه‌ولێر:

عەدنان کەریم، هونەرمەندی دیاری بواری گۆرانی و میوزیکی کوردی، بەشداریی حەوتەمین فێستیڤاڵی نێودەوڵەتی دهۆک دەکات.

بەسپۆنسەری میدیایی کوردستان24، فێستیڤاڵەکە لەژێر ناونیشانی "لێبوردەیی" بەڕێوەدەچێت و چەندین فیلمی کوردی، عەرەبی و جیهانی تیایدا نمایشدەکرێن.

فێستیڤاڵەکە لە 9 تا 16ی مانگی ئەیلولی ئەمساڵ بەڕێوەدەچێت و لە چیرۆکی فیلمەکانیش، زیاتر تیشکخراوەتە سەر پێکەوژیان و یەکتر قبووڵکردن، بە تایبەت لە رۆژهەڵاتی ناوەڕاست.

لەگەڵ نزیکبوونەوەی وادەی دەستپێکردنی فێستیڤاڵەکە، چەندین ترایلەری ئەو فیلمانەی بەشداریی دەکەن، بڵاوکراونەتەوە و لە چەند رۆژی داهاتووش، فیلم و بەرهەمە بەشدارەکانی ناو فێستیڤاڵەکە ئاشکرا دەکرێن.

 H.J