یەکەمین کۆنفڕانسی ئاشتیی جیھانی له سلێمانی به‌ڕێوه‌چوو
جه‌خت له‌سه‌ر بڵاوكردنه‌وه‌ی پەیامی یەکتر قبوڵکردن كرایه‌وه
K24- سلێمانی:
یەکەمین کۆنفرانسی ئاشتی جیھانیی بۆ ھێز و لایەنە سیاسی، کۆمەڵایەتی و ئایینیەکانی ھەریمی کوردستان لە سلێمانی بە بەبشداری کەسایەتی سیاسی و کۆمەلایەتی و مامۆستایانی ئاینی و نەتەوە جیاوازه‌کان بەرێوەچوو، بە ئامانجی بلاوکردنەوەی ئاشتی و پێکەوە ژیانی زیاتر لە ھەریمی کوردستان و گرنگیدان بە ئاشتی و پێکەوەبوونی ھێزە سیاسیەکان.
مامۆستایانی ئاینیش سەرەڕای رۆڵگێرانیان لە ئاشتەوایی کۆمەڵایەتی و بڵاوکردنەوەی پەیامی یەکتر قبوڵکردن, نایشارنەوە کە ھەندێك جار کاردەکرێت بۆ تێکدانی ئەو ئاشتی و پێکەوە ژیانە، بۆیە مامۆستا سامان سه‌نگاوی، مامۆستای ئاینی داوا دەکات، چاودێری زیاتر بخرێتە سەر مامۆستایانی ئاینی و ئەو لایەنانەی رۆڵی نەرینی دەگێرن.
له كۆنفرانسه‌كه‌دا جه‌خت له‌سه‌ر نوێکردنەوەی ئاشتی و پێکەوەژیانی ھەموو ھێز و لایەنە سیاسی، کۆمەڵایەتی و ئایینیەکان كرایه‌وه, بەشداربووانیش کە لە کەسانی ئەکادیمی و پسپۆر لە بواری ئاشتی جیھانیی، سیاسی و کۆمەلایەتی پێكهاتبوون، بۆ زیاتر چەسپاندنی ئاشتی لە هه‌رێمی كوردستان گفتوگۆیان كرد.
ھەرێمی کوردستان ھەمیشە سەکۆی فرەچەشنەی ئاینەکانی وەك پارسان، ئیزدی، زەردەشتی، بەھائی، جوو و کریستیان بووە، کە ھەمویان بەیەکەوە بە درێژایی مێژوو لەسەر ئەم خاکە ژیاون, ریکخستنی ئەو جۆرە کۆنفرانسانەش دووپات کردنەوەی ھەمان پەیامی ئاشتیانەیە، کە ئاینە جیاوازەکان ھەلیده‌گرن.
H.B
