"رووسیا بە گرنگییەوە لە پێگەی ھەرێمی كوردستان دەڕوانێت"

K24 - ھەولێر

زەلیمخان موتسۆیڤ، ئەندامی پەرلەمانی رووسیا دەربارەی ھاتنیان بۆ ھەرێمی كوردستان رایگەیاند، رووسیا بە گرنگییەوە لە ھەرێمی كوردستان دەروانێت و پێگەیەكی گرنگ و بەھێزی لە كوردستان گرتووە.

موتسۆیڤ، گوتی: "رووسیا پێگەیەکی زۆر باش و پتەوی گرتووە لە هەرێمی کوردستان، لێرە کۆمپانیاکانی گاز پڕۆم نێفت و رۆس نێفت کاردەکەن، لەم سەردانەشدا زۆر پڕۆژەی دیکە لە بواری جیاجیا باس و خواسیان لێکرا، لەبواری وزە و بواری دیكەدا، ئەم سەردانە روداوێکی مێژووییە کە سرگێی لاڤرۆڤ وەزیری دەرەوەی رووسیا هاتە کوردستان، دیدارەکە زۆر دۆستانە و بە سوود تێپەڕی لەگەڵ جەنابی سەرۆك بارزانی و سەرۆکی هەرێم و سەرۆک وەزیران مەسرور بارزانی، هەردوولا بە دیدارەکە خۆشحاڵ و ئاسوودە بوون و ئەمە هەنگاوێکە بۆ گەشەدانی زیاتر بە پەیوەندییەکان لە ئایندەدا".

ھ.م