فه‌ره‌نسا: هیچ گومانێك نه‌ماوه‌..‌‌ گه‌ڕانه‌وه‌ی داعش مسۆگه‌ر بووه‌

K24- هه‌ولێر:

ئیدوار فیلیپ، سه‌رۆك وه‌زیرانی فه‌ره‌نسا دووپاتیكرده‌وه‌، بریاره‌كانی ئه‌مه‌ریكا و توركیا له‌باره‌ی باكووری سووریا ده‌ره‌نجامی وێرانكه‌ر كاره‌ساتبار بۆ ناوچه‌كه‌ به‌دوای خۆیدا ده‌هێنن و جێبه‌جێكردنی ئه‌و بریارانه‌ش جگه‌ له‌ مسۆگه‌ركردنی گه‌ڕانه‌وه‌ی داعش بۆ سووریا و عێراق هیچ ئه‌نجامێكی دیكه‌ی لێ ناكه‌وێته‌وه‌.

‌له‌ وه‌ڵامی پرسیاره‌كانی په‌رله‌مانی وڵاته‌كه‌شی فیلیپ گوتی: "گومان له‌ گه‌ڕانه‌وه‌ی داعش بۆ‌ باكووری رۆژهه‌ڵاتی سووریا نییه‌ و ئه‌گه‌ری زۆر هه‌یه‌ بگه‌ڕێته‌وه‌‌ باكووری رۆژئاوای عێراقیش".

سه‌رۆك وه‌زیرانی فه‌ره‌نسا په‌نجه‌ی تۆمه‌تی بۆ واشنتنیش درێژ كرد، كه‌ به‌ گوته‌ی خۆی، ئه‌مه‌ریكا رێگه‌ی به‌ هێرشی توركیا داوه‌ و به‌ بڕیاره‌كه‌ی بۆ كشاندنه‌وه‌ی هه‌زار سه‌رباز له‌ سووریا به‌ شێوه‌یه‌كی تاكلایه‌نانه‌، هاوكاری ئه‌نقه‌ره‌ی كردووه‌.

H.B

سه‌رچاوه‌: رۆیته‌رز