ئەردۆغان دیداری لەگەڵ ئەمەریکییەکان رەت دەکاتەوە

K24 – هه‌ولێر:

رەجەب تەیب ئەردۆغان، سەرۆک کۆماری تورکیا رایگەیاند، لەگەڵ مایک پێنس، جێگری سەرۆکی ئەمەریکا کۆنابێتەوە و تەنها ئامادەیە لەگەڵ سەرۆکی ئەمەریکا دیداری هەبێت.

بەهۆی هێرشی تورکیا بۆ سەر رۆژئاوای کوردستان، دۆناڵد ترەمپ، سەرۆکی ویلایەتە یەکگرتووەکانی ئەمەریکا بڕیاریدا شاندێک بە سەرۆکایەتی مایک پێنس رەوانەی تورکیا بکات، بەڵام لە لێدوانێکی بۆ ئاژانسی سکای نیوز، ئەردۆغان رایگەیاند، ئەو تەنها ئامادەیە لەگەڵ خودی سەرۆکی ئەمەریکا دابنیشێت و چاوی بەو شاندە ناکەوێت.

هەر ئەمڕۆ ئەردۆغان رایگەیاندبوو، ئەوان هێرشەکانیان بۆ رۆژئاوای کوردستان راناگرن و ئاگربەستیش قبوڵ ناکەن، مەگەر ئەوەی هێزەکانی هەسەدە پاشەکشێ بکەن.

Turkey's president @RTErdogan tells @AlexCrawfordSky he will not speak with the US Vice President about a ceasefire in Syria during his visit - adding that he will only talk to President @realDonaldTrump.

Follow the latest world news here: https://t.co/l50mLoSc4w pic.twitter.com/o5NjsNzt2r

— Sky News (@SkyNews) October 16, 2019