كەشناسی: بارانبارین بەردەوام دەبێت

K24 - ھەولێر

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو راگەیاند، بەگوێرەی پێشبینیەكان ئەمڕۆ ئاسمانی ھەرێمی كوردستان نیمچە ھەور دەبێت لەگەڵ پروشكە باران لە ناوچە شاخاوییەكان ئەگەری بارانی زیاتر ھەیە، بەرزترین پلەی گەرما لە ھەولێر 29 و سلێمانی 28 و دھۆك 26 پلە و لە كەركووك بەرزترین پلەی گەرما 34 پلەی سیلیزی دەبێت.

لەبارەی كەشوھەوای سبەی كەشناسی پێشبینی دەكات، رۆژی دووشەممە ئاسمانی ھەرێمی كوردستان نیمچە ھەور دەبێت لە ھەندێك ناوچە باران دەبارێت.