نەتەوە یەکگرتووەکان هەڵوێستی خۆی لەبارەی رێککەوتنی رووسیا و تورکیا رادەگەیەنێت

K24 – هه‌ولێر:

نەتەوە یەكگرتووەكان پێشوازی لە رێككەوتنی رووسیا و توركیا دەبارەی رۆژئاوای كوردستان دەكات.

فەرحان حەق، جێگری گوتەبێژی سكرتێری گشتی نەتەوە یەكگرتووەكان رایگەیاند، پێشوازی لە ھەر كارێك دەكەن كە بۆ نزمكردنەوەی ئاستی شەڕ و پاراستنی خەڵكی سڤیل لەسەر بنەمای پەیمانی نەتەوە یەكگرتووەكان و یاسا مرۆییەكان  ھاوكار بێت.

ئاماژەی بەوەش كرد ئاگاداری دانوستانەكانی رووسیا و توركیان دەربارەی دۆخی باكووری رۆژھەڵاتی سووریا.

ئاماژە بەوەش دەكات، رێگەی چارەسەری سیاسی كێشەی سووریا دوور و درێژە.

 بەگوێرەی رێککەوتنی نێوان رووسیا و تورکیا، هێزەکانی هەسەدە بە قووڵایی 32کیلۆمەتر لە سنووری تورکیا دەکشێنەوە لە منبج و تەل رەفعەتیش، هەسەدە دەکشێتەوە.

هەروەها ده‌ورییه‌ی هاوبه‌شی رووسیا و توركیا له‌ خۆرئاوا و خۆرهه‌ڵاتی ناوچه‌ی ئۆپراسیۆنی "كانی ئاشتی" به‌ قوڵی 10 كیلۆمه‌تر جگه‌ له‌ شاری قامیشلۆ له‌ ئه‌ركدا ده‌بن.

H.J