هەسەدە: سەرەڕای ئاگربەست هێرشمان دەکرێتە سەر

K24 – هه‌ولێر:

موستەفا بالی، بەرپرسی ناوەندی راگەیاندی هێزەکانی سووریای دیموکرات، هەسەدە، رایگەیاند، میلیشیاکانی سەر بە تورکیا هێرشانکردووەتەوە سەر سێ گوندی سەرێ کانی و ئاگر بەستیان شکاندووە.

موستەفا بالی ئەم هێرشەی تورکیا بە شکاندنی ئاگربەست دەزانێت و دەڵێت، ئێمە مافی خۆمانە بەرگری لە خۆمان بکەین و بەرپرسیار نین لە پێشێلکردنی رێککەوتنەکە.

داواش لە هەموو لایەنەکان بە تایبەت ئەمەریکا دەکات لێپرسینەوە لە شکانی ئاگربەست بکەن.

لە لایەکی ترەوە، ئاژانسی هەواڵی سانای سەر بە حکوومەتی سووریاش بڵاویکردووەتەوە: "تیرۆرستەکانی سەر بە تورکیا هێرشیان کردووەتە سەر گوندی تەل زەیاب لە باشووری رۆژئاوای سەرێ کانی".

H.J