ئەڵمانیا ئامادەی ناردنی هێزە بۆ رۆژئاوای کوردستان

K24 – هه‌ولێر:

وەزیری بەرگری ئەڵمانیا رایگەیاند ئەگەر ناوچەی ئارامی نێودەوڵەتی لە باکووری سووریا دروست بکرێت، ئەوا وڵاتەکەی ئامادەیە دوو هەزار و 500 سەرباز رەوانەی سووریا بکات.

رۆژنامەی دێرشپیلی ئەڵمانی ئاشکرای کردووە کە ئەنگرێت کرامپ - کارینپاوەر، وەزیری بەرگری وڵاتەکەیان رایگەیاندووە ئەگەر ناوچەیەکی ئارام بە چاودێری نێودەوڵەتی لە باکووری رۆژهەڵاتی سووریا دروست بکرێت، ئەوا ئەڵمانیا ئامادەیە دوو هەزار و 500 سەرباز رەوانەی سووریا بکات.

رۆژنامەکە ئەوەشی ئاشکرا کردووە کە ئەگەر پێشنیازەکەی ئەڵمانیا بۆ دروستکردنی ناوچەیەکی ئارامی نێودەوڵەتی لە باکووری رۆژهەڵاتی سووریا سەربگرێت، ئەوا جگە لەو ژمارە سەربازە دەیان تانک و زریپۆش و تۆپهاوێژ و چەکی قورس هەروەها چەندین فڕۆکەی شەڕکەر لە جۆرەکانی تۆرنادۆ و یوروفایتەر رەوانەی ناوچەکە دەکەن.

H.J