حەلبووسی: تا ئەنجامدانی چاکسازیی و گۆڕینی دەستوور کۆبوونەوەکان بەردەوام دەبن

K24 – هه‌ولێر:

سەرۆکی ئەنجوومەنی نوێنەرانی عێراق، جەخت لەسەر بەردەوامیدان بە کۆبوونەوەکانی پەرلەمان دەکاتەوە، تا جێبەجێکردنی داواکارییەکانی خۆپیشاندەران.

محەمەد حەلبوسی سەرۆکی ئەنجوومەنی نوێنەرانی عێراق، راگەیەنراوێکی بڵاوکردەوە و تیایدا جەخت لەسەر بەردەوامیدان بە کۆبوونەوەکانی پەرلەمان دەکاتەوە، تا جێبەجێکردنی داواکارییەکانی خۆپیشاندەران و ئەنجامدانی چاکسازییە گشتییەکان و هەموارکردنەوەی دەستوور.

حەلبوسی ئاماژەی بۆ پەلەکردن لە جێبەجێکردنی ئەو نەخشە رێگایەش کرد، کە مەرجەعیەت دایناوە.

لە دوا کۆبوونەوەی ئەنجوومەنی نوێنەران، بڕیاردرابوو تا ئامادەبوونی سەرۆک وەزیران، کۆبوونەوەکان هەڵبگیرێن.

 H.J