ئەنجامدەری سەرەكی تەقینەوەكەی قامشلۆ دەستگیر كرا
ژمارەیەك كەس ھاوكاریان كردووە
K24 - قامشلۆ
ئەنجامدەری سەرەكی تەقینەوەكەی رۆژی دووشەمەی رابردووی قامشلۆ دەستگیر كرا و ئاشكرا كراوە كە ژمارەیەك كەسی دیكە ھاوكاریان كردووە بۆ كردەوەكە.
پەیامنێری كوردستان24 لە قامشلۆ رایگەیاند: "دوای تەماشاكردنەوەی كامیرایەكی چاودێری و گەڕان بە دوای ئەنجامدەری تەقینەوەكەی 11ی ئەم مانگەی قاشملۆ، ئاسایشی رۆژئاوای كوردستان ئەنجامدەری سەرەكی تەقینەوەكەی بە ناوی ئەحمەد جاسم مستەفا دەستگیر كرد".
گوتیشی: "دەركەوتووە كە ژمارەیەك كەسی دیكە ھاوكاریان كردووە لە ئەنجامدانی تەقینەوەكە".
ئاسایش بلاوی كردووەتەوە، بەگوێرەی لێكۆڵینەوە و لێپرسینەوەكانیان، ئەنجامدەری سەرەكی فەرمانەكانی لە كەسێك وەرگرتووە كە لە توركیا نیشتەجێیە.
رۆژی دووشەممە سێ تەقینەوە لە قامشلۆ روویاندا و لە ئەنجامدا شەش ھاووڵاتی سڤیل شەھید بوون و زیاتر لە 40 كەسی دیكەش بریندار بوون.
ھ.م