"رێككەوتنی ھەولێر و بەغدا كۆنكرێتی دەبێت"
شاندی حكوومەتی ھەرێم سەردانی بەغدا دەكاتەوە
K24 - بەغدا
ئەمڕۆ شاندی حكوومەتی ھەرێمی كوردستان سەردانی بەغدا دەكاتەوە و لەگەڵ بەرپرسانی حكوومەتی عێراق گفتوگۆ لەبارەی وردەكاری رێككەوتن لەسەر بابەتی دارایی دەكەن. سەرۆكی فراكسیۆنی پارتی لە ئەنجوومەنی نوێنەرانی عێراق رایدەگەیەنێت "رێككەوتنی ئەمجارەی نێوان ھەولێر و بەغدا كۆنكرێتی دەبێت".
د. ڤیان سەبری، سەرۆكی فراكسیۆنی پارتی لە ئەنجوومەنی نوێنەرانی عێراق بە كوردستان24ی راگەیاند: "شاندەكە گفتوگۆ لەبارەی رێككەوتنی كۆتایی لەسەر بودجە و مووچە، ھەروەھا قسە لەسەر ئەوە دەكرێت لەبەرامبەر رادەستكردنی ئەو بڕە نەوتەی لەسەری رێككەوتوون بەغدا بودجە و مووچەی تەواوی ساڵی 2020ی بۆ ھەرێمی كوردستان بنێرێت".
گوتیشی: "بەپێی زانیارییەكانی ئێمە گفتوگۆكانی نێوان حكوومەتی ھەرێم و حكوومەتی عێراق ئەرێنیە، رێككەوتنی ئەمجارە وەك پێشتر نابێت، بەڵكو رێككەوتنی كۆنكرێتی دەكرێت".