خۆپیشاندهرانی بهغدا له ترسی چهكداران و رفاندنیان ناتوانن له گۆڕهپانی تهحریر دوور بكهونهوه
ناوێرن بۆ چارهسهری بریندارهكانیش سهردانی نهخۆشخانهكان بكهن
K24- بهغدا:
خۆپیشاندهرانی بهغدا له ترسی چهكداران و رفاندنیان ناتوانن له گۆڕهپانی تهحریر دوور بكهونهوه و زۆربهی خۆپیشاندهره بریندارهكانیش ههر له ناو گۆڕهپانهكه لهلایهن پزیشك و پهرستاره خۆبهخشهكانهوه تیمار دهكرێن، چونكه نهخۆشخانهكانیش به شوێنێكی پارێزراو نازانن تا بۆ چارهسهر رووی تێ بكهن.
ههورهها دهڵێن: زۆربهی خۆپێشاندهره بریندارهكان لهناو نهخۆشخانه لهلایهن میلیشیاكانهوه رفێندراون.
له لایهكی دیكهشهوه له چهند سوچێكی گۆڕهپانهكه جلوبهرگی خوێناوی خۆپیشاندهره كوژراو و بریندارهكان نمایشكراون، بۆ پیشاندانی ئهو مهترسیانهی له سهر ژیانی خۆپیشاندهران ههیه.
H.B