ئەسەد: ئەمەریكا نەوتی سووریا دەدزێت و بە توركیای دەفرۆشێت
"پێشتر توركیا بە پەیوەندی لەگەڵ داعش نەوتی سووریای دەدزی"
K24 - ھەولێر
سەرۆكی سووریا رایدەگەیەنێت، ئەمەریكا نەوتی سووریا دەدزێت و بە توركیای دەفرۆشێت.
بەشار ئەسەد، رایگەیاند: "ئەمەریكا نەوتی سووریا دەدزێت و بە توركیای دەفرۆشێت. توركیاش بەشداری دەكات لە فرۆشتنی نەوتی سووریا، ئەوەش بەھۆی پەیوەندییەكانی لەگەڵ بەرەی نوسرە و پێشتریش بە پەیوەندی لەگەڵ داعش نەوتی سووریای دەفرۆشت، بەڵام ئێستا لەگەڵ ئەمەریكا ئەو كارە دەكات".
ئەمە لەكاتێكدایە سەرۆك كۆماری توركیا رایگەیاندبوو، ئەمەریكا و رووسیا لە دەركردنی یەپەگە لە باكووری سووریا سەركەوتوو نەبوون.
ئەردۆغان ئاماژەی بەوەشكردووە، پلانیان دارشتبوو ناوچەیەكی ئارام بە پشتبەستن بە داھاتی نەوتی سووریا دروست بكەن، بەڵام پلانەكانیان لەلایەن ئەمەریكا رەتكرانەوە.