ئێران: دەبێ ئەمەریكا ناوچەكە جێبھێڵێ
"وڵاتانی ناوچەكە خۆیان دەتوانن ئاسایشی خۆیان دابین بكەن"
K24 - ھەولێر
فەرماندەی ھێزی دەریایی ئێران رایدەگەیەنێت، ناوچەكە پێویستی بە ئەمەریكا نییە و كاتی ئەوە ھاتووە كە ئەمەریكا ناوچەكە جێبھێڵێت.
حوسێن خانزادی، فەرماندەی ھێزی دەریایی ئێران لە پەراوێزی مانۆڕی ھاوبەشی ئێران و رووسیا و چین رایگەیاند، كە پەیامی ئەو نمایشە سەربازییە ھاوبەشە ئەوەیە كە كاتی ئەوە ھاتووە ئەمەریكا ناوچە جێبھێڵێت.
خانزادی دەشڵێت "وڵاتانی ناوچەكە خۆیان دەتوانن ئاسایشی خۆیان دابین بكەن و پێویستیان بە ھەبوونی ئەمەریكا نییە".
فەرماندەی ھێزی دەریایی ئێران پێیوایە لەداھاتوودا وڵاتانی دیكەی ناوچەش پشت لە ئەمەریكا دەكەن.