"بارسێلۆنا تووشی كاره‌سات بوو"

لویس سوارێز هێرشبه‌ری بارسێلۆنا نه‌شته‌رگه‌رییه‌كی بۆ ئه‌نجامدرا و تا چوار مانگی دیكه‌ ناتوانێت پێ له‌ تۆپ بداته‌وه‌.

ئه‌م یاریزانه‌ ئۆرۆگواییه‌ له‌ یاریی یانه‌كه‌ی له‌ جامی سوپه‌ری ئیسپانیا به‌رامبه‌ر ئاتڵێتیكۆ مه‌درید تووشی پێكانێك بوو له‌ ئه‌ژنۆی راستی و به‌هۆی سه‌ختی پێكانه‌كه‌ نه‌شته‌رگه‌ری بۆ كراوه‌.

رۆژنامه‌ی مۆندۆ دیپۆرتیڤۆی ئیسپانی بڵاویكردۆته‌وه‌ به‌مهۆیه‌وه‌ سواریز بۆ ماوه‌ی 4 مانگ له‌ بارسێلۆنا داده‌بڕێت و ره‌نگه‌ نه‌توانێت به‌شداری هیچ یارییه‌كی دیكه‌ی بارسێلۆنا له‌م وه‌رزه‌ نه‌كاته‌وه‌، كه‌ پێشتر بڵاوكرابوویه‌وه‌ كه‌ ئه‌م یاریزانه به‌هۆی پێكانه‌كه‌یه‌وه‌‌ ته‌نیا چه‌ند هه‌فته‌یه‌ك دوور ده‌كه‌وێته‌وه‌.

پێگه‌ی سپۆرتی كه‌ته‌لۆنیا نووسیویه‌تی: ئه‌گه‌ر بارسێلۆنا بچێته‌ یاری كۆتایی چامپیۆنزلیگ سوارێز ده‌توانێت به‌شداریی بكات و له‌ سه‌رجه‌م یارییه‌كانی دیكه‌ی ئه‌م وه‌رزه‌ی بارسێلۆنا له‌ لالیگا و چامپیۆنزلیگ داده‌بڕێت.

لویس سوارێز ئه‌م وه‌رزه‌ له‌ كۆی 23 یاری له‌ سه‌رجه‌م پاڵه‌وانێتییه‌كان 14 گۆڵ و 11 ئاسیستی كردووه‌.