وەزارەتی تەندروستی ئێران ئامارێکی نوێی ڤایرۆسی کۆرۆنای بڵاوکردەوە

K24 – هه‌ولێر:

وەزارەتی تەندروستی ئێران بڵاویکردەوە، 10 کەسی دیکە لە ئێران تووشی ڤایرۆسی کۆرۆنا بوون.

ئاشکراشیکردووە، تاوەکو ئێستا ناوی 28 کەس تۆمارکراوە کە هەڵگری ڤایرۆسەکەن و پێنج کەسیش بەهۆی ڤایرۆسەکە گیانیان لەدەستداوە.

ئاماژەی بەوەشکردووە، 785 کەس لە ئێران گومانیان لەسەرە کە هەڵگری ڤایرۆسەکە بن.

هەرێمی کوردستان، عێراق و کوەیت هاتووچۆیان بۆ ئێران وەستاندووە و حکوومەتی هەرێمی کوردستانیش چەند کۆبوونەوەیەکی لەبارەی چۆنیەتی رێگریکردن لە هاتنە ناوەوەی ڤایرۆسی کۆرۆنا ئەنجام داوە.