ئێران ده‌ستی به‌سه‌ر كه‌شتییه‌كی بیانیدا گرت

13 كه‌شتیوانیان ده‌ستگیركرد

K24 – هه‌ولێر:

هێزه‌كانی كۆماری ئیسلامی ئێران، له‌ به‌نده‌ری "جاسك" له‌ كه‌نداوی عومان، كه‌شتییه‌كی بیانی و 13 كه‌شتیوانیان ده‌ستگیركرد.

ئێران رایگه‌یاندووه‌، ئه‌و كه‌شتییه‌ سووته‌مه‌نی به‌ قاچاغ گواستووه‌ته‌وه‌.

له‌و باره‌یه‌وه‌، حسێن دهكی، فه‌رمانده‌ی هێزی پاراستنی كه‌ناراوه‌كانی ئێران له‌ پارێزگای هورمزگانی باشووری ئێران رایگه‌یاند، ئه‌و كه‌شتییه‌ بیانییه‌ له‌ كه‌نداوی عومان ده‌ستی به‌سه‌ردا گیراوه‌، راكێشراوه‌ته‌ به‌نده‌ری جاسك، كه‌ ملیۆنێك لیتر گازوائیلی به‌ شێوه‌یه‌كی نایاسایی باركردبوو.

گوتیشی: 13 كه‌شتیوانی كه‌شتییه‌كه‌ ده‌ستگیركراوون، سه‌رجه‌میان بیانین.