سێ یاریزانی خولی ئیتاڵی تووشی ڤایرۆسی کۆرۆنا بوون

K24 – هه‌ولێر:

سێ یاریزانی یانەی پیانێسێ کە لە پلەی سێی خولی ئیتاڵییە، دووچاری ڤایرۆسی کۆرۆنا بوون.

یانەکە لە راگەیەندراوێکدا ئاشکرایکردووە: "چوار یاریزانمان گومانیان لەسەر بوو، سیانیان هەڵگری ڤایرۆسەکەن و ئەوی دیکەش هێشتا لە ژێر چاودێرییە".

هەروەها، لە خولی پلەیەکی ئیتاڵیا، چەند یارییەک بەبێ ئامادەبوونی هاندەران ئەنجام دەدرێت یەکێک لەو یاریانەش یاری یۆڤانتۆس و ئینتەر میلانە.

بەهۆی ڤایرۆسی کۆرۆنا کە زیاتر لە باکووری ئیتاڵیا بڵاوبووەتەوە، 21 کەس گیانیان لەدەستداوە و 889 کەسیش تووشی ڤایرۆسەکە بوون.

گومان دەکرێت، چەندین یاری دیکەی وەرزشی لە ئیتاڵیا بەهۆی ڤایرۆسەکە هەڵبوەشێندرێنەوە.

Daily Mail