لیژنەی فەتوای سلێمانی چەند بڕیارێکی دەرکرد

K24 – هه‌ولێر:

لە کۆنفراسێکی رۆژنامەوانیدا، کە پارێزگاری سلێمانی و لیژنەی فەتوا و سەرۆکی یەکێتی زانایان لقی سلێمانی تیایدا ئامادە بوون چەند بڕیارێک بۆ رێگریکردن لە بڵاوبوونەوەی ڤایرۆسی کۆرۆنا درا.

هەڤاڵ ئەبوبەکر، پارێزگاری سلێمانی رایگەیاند، کۆبوونەوە جەماوەرییەکان رادەگیرێت و یارییە وەرزشییەکان بەبێ هاندەران ئەنجام دەدرێن.

هەروەها، بەرپرسی ئەنجوومەنی باڵای فەتوا لقی سلێمانی رایگەیاند، بەهۆی مەترسی کۆرۆنا، بڕیارماندا بە راگرتنی نوێژە بە کۆمەڵەکان بۆ کاتێکی نادیار.

راشیگەیاند، بانگدان بەردەوام  دەبێت و بانگبێژ دەبێت لە دوای بانگدان داوا بکات خەڵک لە ماڵەوە نوێژ بکەن.

هەروەها ئاماژەی بەوەشدا، هەینی داهاتوو نویژی هەینی لە سلێمانی ناکرێت.