ئێران ئاماری نوێی گیان لەدەستدان بە كۆرۆنا ئاشكرا دەكات

K24 - ھەولێر

وەزارەتی تەندروستی ئێران ئاشكرای كرد، ژمارەی تووشبوون بە ڤایرۆسی كۆرۆنا لەو وڵاتە 8 ھەزار كەسی تێپەڕاند و نزیكەی 300 كەسیش گیانیان لەدەستداوە.

لە نوێترین ئاماردا وەزارەتی تەندروستی رایگەیاند، ژمارەی تووشبووان بە كۆرۆنا گەیشتە 8042 كەس و 291 كەسیش گیانیان لەدەستداوە.

بەگوێرەی ئامارەكە لە ماوەی 24 كاتژمێری رابردوودا 54 كەس لە ئێران بەھۆی ڤایرۆسی كۆرۆنا گیانیان لەدەستداوە.