12 تووشبووی كۆرۆنا لە سلێمانی چاكبوونەوە
رەوانەی ماڵەوە دەكرێنەوە
K24 - سلێمانی
بەڕێوەبەری گشتی تەندروستی سلێمانی ئاشكرای كرد، 12 كەسی تووشبوو بە ڤایرۆسی كۆرۆنا لە سنووری پارێزگای سلێمانی چاكبوونەتەوە رەوانەی ماڵەوە دەكرێنەوە.
د.سەباح هەورامی، بەڕێوەبەری گشتی تەندروستی سلێمانی رایگەیاند: "12 توشبووی ڤایرۆسی کۆرۆنا لە شاری سلێمانی پاش وەرگرتنی چارەسەری پێویست چاکبوونەوە و ئەمشەو دەگەڕێنەوە ماڵەکانی خۆیان".
راشیگەیاند: "بەمەش کۆی گشتی حاڵەتی چاکبووی ڤایرۆسی کۆرۆنا لە شاری سلێمانی گەیشتە 39 كەس".